قلبي قطعتين
ليلة 2 محرم 1430هـ
حسينية بن خميس
للشاعر : حسين فخر
للرادود : مهدي سهوان
مساهمة من : الخادم الصغير
******************
صار قلبي قطعتين
قطعة عند الخيام قطعة عند الحسين
******************
مدري چيفه اتحملت أرض المدينه من طلع عنها السبط ويّا الظـــعينه
منكسر قلبه ويدير إلهـــــــــا بعينه هذي أرض أحبابه من بعده حزينه
يا وسفه بعد المصطفى جار اعلى اولاده الزمن
هاللي محبتهم فرض صاروا يويلـــي أبلا وطن
واليوم زادت فاجعـــــــه عظمى على أم الحسن
ما ظنتي عـــــــدها صبر وحسين شايل بالظعن
يا هي صعبه ضيم وغربه يا هي صعبه
راح ابو السجاد لرض الغاضــريه ماشي وياه العقيله إعلى المطــــيه
وأطلعت خلــــــــفه العليله بالرزيه بالله يا بويه تــــــــــوقّف لي شويّه
أقسم عليــــك أبفاطمــــــه يا بويه يا بحر الكـرم
لا تتركوني للحزن خذني معــــــــاك أويا الحرم
عمــــــــــري يبويه ينتهي لو من جمالك ينحرم
ما أحتمل ويّه المرض فرقاك يذبحني الالـــــــــم
آ يبــــــــويه رد عليّــــــــه آ يبــــــــويه
************************************
يبنتي لا تزيدي هالمصيبه تراهي سفرتي صعبه وعصيبه
بمان الله أوسلامه يالـــــغريبه
بروح ومالي ردّه لرض طيبه
أفدّي إبدمّي دين الله اوحبيبه أوتبقـــــــى جثتي فوق التريبه
أوزينب بالغصب تمشي سليبه
مصايبنا يمــــــــحزونه رهيبه
******************
صار قلبي قطعتين
قطعة عند الخيام قطعة عند الحسين
******************
لا تلوم الجفن لو صــــب الدمع دم ولو وسط قلب الموالي صار ماتم
كلشي في الدنيا عراه الحزن والهم وأبتدت لحزان من هل المــــحرم
بانت ليالي الفاجعه خل عنّك اسبـــاب الفرح
وأذكر مصايب كربلا قلب النبي فيها انجرح
واجب تجاهر بالحزن يالقلــبك أبدينه انشرح
وشلون ميسيل الدمـع وحسين عطشان انذبح
واحسيناه واذبيحاه واشهيداه
ماتمك هالشهر لا توصد أبـــــــوابه ولا يفارق ثغرك أبلحظة انتحابه
وأذكر حسين الدما صارت اخضابه واذكر السهم المثلث حين صابه
شوف السواد ابكل محل لحسين حتى في السما
كلشي حزين المصرعه متلوّن أبلـــــــون الدما
لو ينكشف ليك البصر تلقــــــى الملايك لاطمه
وفي الماتم اتشــــوف النبي محزون ويا فاطمه
واحسيناه واذبيحاه واشهيداه
***************************************
على المذبوح برض الغاضريه تسيل ادموع وادموع البريه
أبد ولله ما ننـــــــــسى الرزيه
وصدر حسين تحت الاعوجيه
غريب وبالعطـــش ذاق المنيه وثـــلت ايام مرمي بالوطيه
أبد ما ننسى هالمحنه الدميّه
اوزينب من بـعد عينه سبّيه
******************
صار قلبي قطعتين
قطعة عند الخيام قطعة عند الحسين
******************
شنهو حال المنتظر وقليبه مكسور من تصد عينه ويشوف اهلال عاشور
وجدّه ما لحظة سكن يترقب إيثور ياخذ أبثــــــار الغريب او يدحر الجور
كل ساعه يذكر كربله وادموعه منّه تنـــهمر
واشلون ينسى بو علي من داسه بنعاله الشمر
عطشان يا ويلي قضى قلبي اشد مـــن الحجر
هيهات ما ينسى أبد لخيول تجري عالــصدر
دمّه جاري جسمه عاري بالبراري
عظّم الله الأجر لك يا بو صالـــح بو علي وأنصاره عالغـــــبره ذبايح
والظعن للكــــوفه ويّا الشام رايح عالهزل بس تسمع أونــين وصوايح
ما مر على بال الـــــدهر زينب تسير أميسّره
من بعـد عزها تنسبي بيــن الاعـــادي امحيّره
بچفوفها يالمنتظر صــــــارت وجهّا تـــــستره
ما تشهر السيف ابعجل بالثار من هاللي جرى
إطلب الثار من هالشرار إطلب الثار
*****************************************
يبو صالح إلك تبچي الشريعه تِقر اشلون أو هي صارت مروعه
متى ابجيشك تجي ارض الفجيعه
وتزلزل عالـــــكفر هذي الوسيعه
تجي القبــر الذي كسروا ظلوعه او ترفع يا ابـــــــو صالح رضيعه
وتاخــــــــــــذ ثار زينب هالوديعه
لأن ضاعت بعد واليهـــــــا ضيعه
******************
صار قلبي قطعتين
قطعة عند الخيام قطعة عند الحسين
******************
آني زينب بنت علي وبيّه الدهر خان لو جبل شاف الي شفته وقـــــع غشيان
شفت اخويه احسين حاير بين عدوان وبونينه ايصيح او حق الهادي عطشان
يا شيعه حاير بو علي وانصاره كلها امصرعّه
يا وسفه من حوله العدا من كل محل متجمـــعه
عباس شايل رايته مطــــــروح جنب المشرعه
حتى الصخر من محنته في كربلا صب مدمعه
واذبيحاه وا سليباه واحسيناه
كعبة ولله من يقصده يأمـــن الخوف شلون في طف كربلا بيه العدا اتطوف
مرمي وأتصلّي عليه اسهام وسيوف نوره من نزف الدما يا حيف مخسوف
عطشان قلبه ما ارتوى من قبل ليذوق الرَدى
محّد يــــــــــوسفه غمّضه حين المنيه ومدده
مرمي على حر الثرى ما مدّوا أعلـيه الرِدى
راسه على راس الرمح يبرى الحرم لمشرّده
واذبيحاه وا سليباه واحسيناه
******************************************
أبد ما يطيب ليّه الماي والزاد وأذكر بوعلي مرمي بالوهاد
أوكلما ايطول عمري الحزن يزداد
أوكلما تغفى عيـــني أتشوف لجساد
مصايب كربلا جمرة بالفّاد حزن ما ينحصي بحروف وأعداد
ولا أنسى أبد صورة السجّاد
عليل وناحـــــلينه أبثقل لقياد
******************
صار قلبي قطعتين
قطعة عند الخيام قطعة عند الحسين
******************
الخميس يوليو 16, 2009 9:22 am