قصائد جابر الكاضمي

قصيدة ( قم يا أبي )

زيــنب يـا عـــلي اتصوّب گلبها
گــــوم استــــمع ونّـــتها وعتبها
خــــــل تــــــشكــــيلــــك آلام خـــــــانــــــت بيــــها الايـــام
گـــوم اســــتمع ونّــــتها وعتبها
* * *
يــــا عـــــلي زيــــنب گــبالك وگفت واحنت ظلعها
والـــــدمع مـن جمر يجري وغاب الينشّف دمعها
وانــــت يا أبا الحسن تدري مصابك لزينب فجعها
هـــــالـــــلّيله ظــــلت حايره دمــــــك ومـــــدمعــــها جره
هـــــاي العــــقيله الــصابـره اشــــــلون يــــتغيّر وضعها
شـــــوف الــدهر لو خانت ايامه
يعـــيّن بــــــالگلب رمية سهامه
صــــــوّب زيــــــنب ســـهام خــــــانــــت بـــــيــــها الايام
گـــــوم اســــتمع ونّــتها وعتبها
* * *
يــــا عــــلي گـــلب العقيله اتگطّع بهمها وصبرها
خــــــانت الايــــــام بــــــيها وغـــــدر وياها دهرها
ومثــــــل طــــبرة ابن ملجم هالدهر عگبك طبرها
ســــيف ابـن ملجم من طبر هــــامــــتك يا فارس مضر
صــــاب العـقــــيله بــــــالاثر ومثـــل أمــرك صار امرها
انــــت اتــــوسّدت فوگ الترايب
وهيّـه موسّده بارض المصايب
مـــــن عگـــــبك يـــضرغام خـــــــانت بـــــــيها الايـــــام
گــــوم استمع ونّـــــتها وعتــبها
* * *
يـــــا عــــلي ابــــعين العقيله اتفايضن دمك ودمها
فــــوگ لــوعة فگد جدها وفوگ محنة فگد امها
الـــــنوب فـــــاجئها دهـــــرها ابـفگدك وزيّد المها
والاشــــد مــن هاي المحـن مــــن شافتك يا ابـا الحسن
منـــــحجب بــــثياب الچــفن هـــــذا الفــــجعها وهـــظمها
شيـــصبر الگلب يا داحي الباب
لو من صخر چان اتفسّر وذاب
حگّــــــه الجـــــــفن ميـــــنام خــــــانت بـــــــيها الايــــــام
گـــوم اســــتمع ونّــــتها وعتبها
* * *
يـــا عـــلي زيـــــنب تحوم وحايمه عليها المصيبه
وصــــاحت بــــصوت المــــعاتب لا تخليني غريبه
الــــدار لــــو فــــگدت الغالي بعد هالغالي شيجيبه
والــــوالي مـــــنهو يعوّضـه لــــو فــــارگ الدار ومضه
فــــراگك صعــب يالمرتضه ولـــــيلة مـــــصابك رهيــبه
خــــابن يـــا علي ضنك وضنها
واســـــتافه الـــــدهر منّك ومنها
اشــــلون الجـــــرح يـــــلتام خـــــانت بــــــــيها الايــــــام
گــــوم اســـــتمع ونّــتها وعتبها
* * *
يــــا عـــــلي بهاي المصيبه يعجز لساني يوصّف
زيــــــنب بــــدارك وسمعت صوت جبرائيل يهتف
انهدمت اركـــــان الــــــديانه والدمع بالعين يذرف
وزيــــــنب تـــــحن بالفاجعه وبـــــهالخطب متــــــصدعه
اتــــعنّت لشـخصك مسرعه شـــــافتك عالموت مشرف
لمّـــن ســـــمعت الــهاتف ينادي
ذكـــرت لوعة الزهره والهادي
وحــــــاطت بــــــيها الأحلام خــــــانــــت بيـــــها الايـــــام
گــــوم اســـــتمع ونّــتها وعتبها
* * *
والاشد من هالمصايب يا علي مرّت عليها
بكربلا ويا ريت حاضر شخصك وينظر شبيها
لا [b]اهل لا والي عدها وانچتل بالطف وليها
مـــا تـــدري يـــا عـقد الوله
زيــــنب غــــريـبه بـــــكربله
ومتـــــحيـره بـــــهالعايـــــله
* * *
بــــكربلا زيـــــــنب غــــريبه والخـــيم بالنار تسعر
وابــــو اليــــمه اعلى الترايب جسمه متوذّر يحيدر
وعــــالخيم گــــوم آل اميـــه هجمت وسلبت الخدّر
يـــــا حيــــدر وهــــذا الجره
بـــــحال الحــــرم المـــخدّره
وبـــــالغربه ظـــــلت حـايره
وفـــــوگ هــاي المحن كلها مشت للكوفه يسيره
* * *

[/b]

يا شبيه المصطفى

[b]عـلي الأكبر طاح ما بين الخيول
والگطع نحره گطع نحر الرسول
بـــــالنــــبي يــــــــــــنوصف عنّــــــه مــــــــا يـــخــــــتلف
والگطع نحره گطع نحر الرسول
* * *
بكــــــربلا مــــــوقف الأكبـــر ظهرت الاسرار منّه
يشــــــبه المــــــختار جدّه وأبـــــد مــا يختلف عنّه
كـل صفات النبي الهادي انجمعت بملفظه وحسنه
يـــحمل صـــــــفات الساميه واضــع نــــــهج للتـــضحيه
بــــساحة الحــــــرب الداميه بــــــالنصر مــــا خاب ضنّه
بـزوده الاكبر بالحرب لمن يجول
عســـكر ابن زياد ينصاب بذهول
مـــــن دخـــــل حـــــــومتــــه اتــــــوضحت غــــــايـــــــته
والگطع نحره گطع نحر الرسول
* * *
أروع اوصـــــاف المـــــجاهد قـــدّم بساحة جهاده
وضـــــع للاجيال منـــــهج مــن صموده واعتقاده
مــــغرم بـــحب العـــــقيده وللــــحرب يظهر وداده
مـــن اصــــل حيدر هالفرع حـــــافظ على حدود الشرع
بـــــــدم الــــــوريد المنگطـع سجـــــل حـــروف الشهاده
للشــــــهاده من الازل رايد ينول
هــــالموارد خـافيه وتطلب حلول
مــــــن وگــــــع عالــــــــثره وجــــثــــــــته مــــــــــــوذره
والگطع نحره گطع نحر الرسول
* * *
الاكبـــــر بــــــساحة جهاده ضحّه من اجل العقيده
وبـــــِسْم أبــــو السجاد صوته ارتفع ويردّد نشيده
وانحسم موقـــــفه الــدامي وبالابه ضامن رصيده
شـــــاب ودخــــل للمـــعركه وصــــوت الشـهاده يباركه
لـــــدرب العـــــقيده ســـالكه وضـــــامنه بگطعت وريده
حارت الافكار [b]عن وصفه شتگول
والشـــرح عن سيرة الاكبر يطول
للشـــــــــرح نخـــــــــتـــصر بــــــــالدمـــه مـــــــنـــــتصر
والگـطع نحره گطع نحر الرسول
* * *
روّع صـــــفوف آل امـــيه بصارمه وساعد يقينه
اومـــــه عــالموت بـــيساره وشار عالجنه بيمينه
استــــــشهد لأجــل العقيده وضحّه دمّه لأجل دينه
لمـــــن صـــعد فـوگ المهر للعـــطش يـــــــطويه بصبر
ضــــامي ورجع لبن الطهر يــصيح ويــــن حسين وينه
يصيـــح چبدي ملتهب يبن البتول
وادري بيني وبينك العسكر يحول
صــــــــــبّـــــــــره والــــــــده واتّــــــجــــــه لــــلــــــــعـــده
والگطع نحره گطع نحر الرسول
* * *
والــــــده نــــــاداه يبـــني ابذل اعلى الموت جهدك
چـــــاس من مـــــنبع الكوثر بالحشر يرويك جدك
ساعه وتـنول الشهاده، خل يصيب العطش چبدك
ارشــــد لـــــجدنه المـصطفه يســـــگيك چــــاسات الوفه
ادري العـــــــهد مــــا تخـلفه بـــــالدمه تـــــوفيلي عهدك
دمـع أبو السجاد عالاكبر هطول
يعــــــلم بنور الولد بالطف يزول
للحـــــــــرب مــــــن نــــــزل بـــــــالســـــيوف انچــــــــتل
والگطع نحره گطع نحر الرسول
* * *
طــاح الاكبر بالمعاره وداست الخيل اعلى جسمه
عـــــالبعد مـــــــن المــــــخيّم يــنظر عليه أبو اليمه
حســـــين لمّـن شاف الاكبر عالثره مخضّب بدمه
عــــــالوالد المـوقف صـعب مـــن شاف الاكبر عالترب
والجـــسم بـــــالدم منخضب حــــــنه ظـــلوع الحزن يمّه
دموعه صبها اعلى الولد مثل السيول
وفـــوگ الاكبر شابچه رماح ونصول
طـــــايـــــــح ابــــــمصرعــه وجـــــــثــــــته مگـــــــــطعه
والگــــــطع نـحره گطع نحر الرسول
* * *
حسيــــن مــــن شـاهده لابنه من دمه الهامه تعفّر
صــــاح يـــــا هـــاشم اسرعوا وبدليله النار تسعر
ساعدوني اعلى المصيبه وشيلوا جثة علي الاكبر
وامّــــه اطـــــلعت من الخـيم مــــرعوبــــه وتــنادي بألم
دلاّلــــــي بــــــاللوعه عـــِلَم ومثـــــل جــــسم ابني توذّر
تــنادي حالك يا شهم اصبح مهول
ابطيحتك يا فرع مفجوعه الأصول
الــــــوالــــــده حـــــــايــــــره والــــــولد عــــــــالـــــــــثره
والگـطع نحره گطع نحر الرسول
* * *
لــــيله صـــــاحت صوت يبني من شفت جسمك رميّه
اهجـــــــس بــــــيـــــوت الــكرامه بكربلا انهدمت عليّه
لليسر أمشـــــــي واعـــــــوفـــــك نــــايم بـــحجر المنيّه
ليـــــــله الغـــــــريبه بكـــــربلا مــــرعوبه
واصـــرخت صرخه ويه الدمع مصحوبه
جثـــــة الاكــــــبر يـــــــــا سبب مخضوبه
والـــگــــــطع نـــــحـــره گطع نحر الرسول بهالمصيبه
* * *

[/b][/b]

غــــــريب أيــــــودّع العيــــله الغريبه
وزيـــــنب صـاحت ابصوت المصيبه
هــــــاك اخــــذ الطـــفل هاك خـــــل يــــــــنذبـــح ويـــــاك
وزيـــــنب صـاحت ابصوت المصيبه
* * *
هـــايم ابـــــــعالم شعــــوري وانظر ابعين المصيبه
والمـــــشاعر جـــسّدتلي صور [b]عن الطف عجيبه
شفـــــــت أبـــــو السجـــاد واگف يم العيال الغريبه
والحــــــرم مگـــطوعة امـل والدمــــع عـــــالوجنه همل
واشــــلون تـــوديع الحـصل بيـــــــن محـــــبوب وحبـيبه
دمـــع وفـراگ واحزان ونوايب
لن يستـــمع صوت امّ المصايب
تصـــــــيـــح الطـــفل بحماك خــــــــل يـــــــنذبح ويــــــاك
وزينب صاحت ابصوت المصيبه
* * *
هـــالرضيع مــــــن ايد زينب سلمته لايد أبو اليمه
او والده ابصـدر العواطف والحنان لصدره ضمّه
يقبّله ابرگبــــته التــــزهي ويلـــــــثم اجبينه ويشمّه
ودمــــوع أبــــو اليمه تـسح مـــوقف رضيـــــعه متضح
مـــــثل الحــــــــمامه التنذبح ومـــــن رگــــبـته يسيل دمّه
وهــاي امّه الرباب احنت ظلعها
وتخـــــاطب أبـــــو اليمه بدمعها
هـــــذا الطــــــفل يهــــــــواك خـــــــل يــــــــنـــذبح ويـــاك
وزينب صاحب ابصوت المصيبه
* * *
بـــوسط صيـــــــوان النــــــبوّه حـاله تمتاز بحزنها
والـــــــرباب أيــــــــشب گــــــلبها لمّن تشاهد ابنها
گبــــــــل رمـــــيات المصيــبه سهام فگده صوّبنها
معــــوله ومـــاخذها الحزن ابــــلوعتها بـــــاللوعه تحن
تــــفسر الصـــخر لمن تون وصــــار فـــــن النـوح فنها
وزينـــب شــــاهدت امّه الحزينه
يــــم مــــهده تصيـح الطفل وينه
يــــــــبو الــــــسجاد ارجــاك خــــــل يــــــنذبح ويـــــــــاك
وزينب صاحت ابصوت المصيبه
* * *
آنـــــه ام الطــــــفل آنــه وتدري خانتـــــني الليالي
عگـــب عبد الله الرضيع ايصير حال الكدر حالي
تدري اصعب كل مصيبه من تشوف المهد خالي
هـــــاي الربــــاب المـــعولـه تصــــيح ابــــــمدامع هامله
مـــــا چـــــنت ادري بـكربلا يصيـــر شرب الماي غالي
هــــذا المــــاي ملك امّك الزهره
وابنك بالعــــطش ملتهب صدره
اخـــــــذ الـــــطفل لعــــــــداك خــــــل ينــــــذبح ويــــــــاك
وزينب صاحت ابصوت المصيبه
* * *
حسيـــن مـن شاهد الموقف سالت دموعه اعلى خدّه
اخذ عبـــــد الله الــــــــرضيع لآل اميــــه وزاد وجــــده
صـــاح هــــــذا الطـــــفل ذاب وبالعــطش ملتهب چبده
هالطـــفل چـــــــبده ملتهــب لا تــــمنعونه مــــن الشرب
وانچــــــان الــي وياكم ذنب هـــــالطفل يـــــا ذنــب عنده
يــناشد لچــــن يـــا وسفه جوابه
تعـــــنّه حـــــرمله وللطفل صابه
صاحــــــه ارتوي من دماك خــــــل يــــــــنذبح ويـــــــاك
وزينب صاحت ابصوت المصيبه
* * *
حسيــــــن مــــــن نــحر البرائه اخذ دم الطفل بيده
للســـــــمه أرمــــا وصاح بــيا ذنب گطعوا وريده
ما نزل للارض دمّــــــه بهـــــــاذي اسرار البعيده
لـــن سمع صوت من الخيم يحــــــسين دلاّلــــي عـــــلم
عبـــــد الله بالنـــــــبله انفطم والســــــهم طـــــوّگه لجيده
آنـــه ام الحــــــزن فاجده الغالي
اصد اعلى المــهد والمهد خالي
بطفـــــــلـــك گــــلبي وصّاك خـــــل يــــــنذبــح ويــــــــاك
وزينب صاحت ابصوت المصيبه
* * *
رد أبـــــو الــيمه لخـيامه وبيده طفله افغرت روحه
للطفل ضمّه اعــــلى صدره خاف عين امه تلوحه
مادره ابگلب الرباب اعلى السبي انفتحت جروحه
مــــن شــاهدت عبد الله بيد المظلوم
جسمه الشريف امغسّل بفيض دموم
وگبل الفطـــامه ابســـهم ظالم مفطوم
لبــــــو اليــــــمه بــــــالمخيم والطفل سلّمه لــزينب
عگـــــب مــــــا ودّع العيله لگطعت المنحر تأهّب
مثـــل گطعت نحر عبد الله انگطع نحره وتخضّب
وحسيــــــن لمّـــن وگع فوگ الغبره
شاهدنـــــه دم طـــــبره يكــت ابطبره
والخــــــيل داســــت بالحوافر صدره
بالســــــهام وبـــالسيوف انذبحوا حسين ورضيعه
* * *

[/b]

مشكوووووووووووووووووووووووور اخي ويعطيك العافية